ام المؤمنین حضرت ام سلمہ رضی الله عنها

تاریخ پیدائش:580/596 عیسویرحلت:61 ہجری.والد:ابو امیہ سہیل بن المغیرہوالدہ:عاتکہ بنت عامرشوہر:(۱)عبداللہ بن عبدالاسد (ابو سلمہ) رضی اللہ عنہ(۲) رسول اللہ ﷺاولاد:سلمہعمر رضی اللہ عنہزینب رضی اللہ عنہارقیہ (درّہ) رضی اللہ عنہالقب :ام المؤمنینقبیلہ:بنو مغیرہمزار مبارک:جنت البقیع

LanguagesEnglish

ام المؤمنین حضرت ام سلمہ کا اصل نام ہند بنت ابی امیۃ تھا۔ ¹ام سلمہ آپ کی کنیت تھی جس سے آپ مشہورہوئیں۔ حضرت ابو عمر کے مطابق آپ کا اصل نام ”رملہ“ تھا²لیکن اکثر علماء کےمطابق آپ کا اصل نام” ہند“ ہی تھا۔ ³آپحضرت خالد بن ولید کی چچا زاد بہن تھیں۔⁴ آپ کثیر احادیث مبارکہ کی راویہ بھی ہیں۔

نام و نسب

حضرت ام سلمہ کا پورا نام و نسب ہند بنت ابی امیہ بن المغیرہ بن عبد اللہ بن عمر بن مخزوم تھا۔ ⁵ آپ کی والدہ کا نام عاتکہ بنت عامر بن ربیعہ تھا۔⁶ آپ کے والد مکہ کے مشہور مخیر اور فیاض انسان تھے اور ”زاد الراکب“ کے لقب سے مشہور تھے۔ ⁷ آپ کے والد کی عادت تھی کہ اپنے ساتھ سفر کرنے والے کاروان کو اپنے مال سے کھانا کھلاتے تھے ۔⁸

نبی کریم کے ساتھ نکاح سے قبل

ابتداً حضرت ام سلمہ ابو سلمہ کے نکاح میں تھیں جن کا اصل نام عبداللہ بن عبدالاسد تھا۔ عبداللہ بن عبدالاسد کا تعلق قبیلۂ بنو ہلال سے تھا۔⁹ آپ اور عبداللہ بن عبدالاسد آپس میں رضاعی بھائی بھی تھے کیونکہ دونوں کی رضاعی والدہ حضرت ثویبہ تھیں۔ ¹⁰

اپنے عالی نسب کے علاوہ حضرت ام سلمہ اور ابو سلمہ ان مسلمانوں میں شامل تھے جنہوں نے ابتدائی دور میں ہی اسلام قبول کرلیا تھا۔ ¹¹¹² ان سے پہلے صرف حضرت ابو بکر، حضرت علی اور کچھ دیگر افراد مسلمان ہوئے تھے۔ جب دونوں نے اسلام قبول کیا تو قریش مکہ نےانہیں تکالیف پہنچانی شروع کردیں لیکن یہ دونوں میاں بیوی استقامت کے ساتھ دین اسلام پر قائم رہے۔ آپ کے حکم کی تعمیل کرتے ہوئے زوجین نے حبشہ ہجرت فرمائی۔ ¹³¹⁴ جب ان دونوں کو معلوم ہوا کہ مکہ مکرمہ میں معاملات بہتر ہوگئے ہیں تو یہ دونوں مکہ مکرمہ واپس آگئے لیکن قریش کی جانب سے ایک مرتبہ پھر ایذا رسانی کا سلسلہ شروع ہوگیا جس کی وجہ سے ان ہوں نے مدینہ منورہ ہجرت کرنے کا فیصلہ کرلیا۔ مشرکین مکہ کو جب ان کی ہجرت کی خبر پہنچی تو وہ رکاوٹیں ڈالنے کی منصوبہ بندی کرنے لگے۔ چنانچہ ام سلمہ کے قبیلے بنو مغیرہ کے ایک گروہ نے ان پر حملہ کردیا اور ابو سلمہ سے اونٹ کی لگام چھین لی اور ام سلمہ کو زبردستی واپس قبیلے جانے پر زور دیا۔ اسی کشمکش میں ابو سلمہ کے قبیلے بنو اسد نے ان کے بیٹے سلمہکو اپنے قبضہ میں کرلیا۔ اس جھگڑے میں ان کے بیٹے سلمہکے ہاتھ کا جوڑ بھی الگ ہوگیا لیکن اس کے باوجود بنو اسد سلمہکو لے گئے۔ ¹⁵حضرت ام سلمہکو ان کے قبیلے والے لے گئے اور حضرت ابو سلمہ تنہاآپ کے پاس مدینہ تشریف لےآئے۔

حضرت ام سلمہ اپنے شوہر اور بیٹے کی جدائی کے غم میں نڈھال ہوگئیں۔ وہ روزانہ الابطح کے مقام پر جاتیں اور اپنے شوہر اور بیٹے کی جدائی میں صبح سے شام تک روتی رہتیں اور اللہ سے اپنی فریاد کرتی رہتیں۔ ¹⁶ ایک دن حضرت ام سلمہکے خاندان میں سے کسی نے ان کو روتے ہوئے دیکھا اور اسے قبیلے کی جانب سے کیے گئے ظلم کا احساس ہوا۔ اس نے قبیلے والوں سے بات کی اور انہیں ان کے شوہر کے پاس لے جانے پر راضی کرلیا۔ جب بنو اسد کو یہ خبر پہنچی تو انہوں نے مثبت قدم اٹھایا اور حضرت ام سلمہ کے بیٹے سلمہکو بھی ان کے حوالے کردیا۔ جب آپ مکہ مکرمہ کے مقام التنعیم پہنچیں تو وہاں آپ کی ملاقات عثمان ابن ابی طلحہٰ سے ہوئی جو اس وقت ایمان نہیں لائے تھے۔عثمان نے ان کی مدد کرتے ہوئے مدینے کی جانب رہنمائی فرمائی۔ جب یہ دونوں قُبا پہنچے تو عثمان نے ان کو بتایا کہ ان کے شوہر اس گاؤں میں ہیں اور یہ کہہ کر مکہ مکرمہ کی جانب لوٹ گئے۔ حضرت ام سلمہ اللہ کا شکر ادا کرتے ہوئے اس گاؤں پہنچیں اور بالآخر ایک سال بعد آپ اپنے شوہر سے دوبارہ جا ملیں۔ ¹⁷

حضرت ام سلمہ حبشہ ہجرت کرنے والی اور مدینہ ہجرت کرنے والی پہلی خاتون صحابیہ تھیں۔ ¹⁸ حضرت ام سلمہ کے ابو سلمہ سے چار بچے ہوئے جن کے نام سلمہ، عمر، زینباور درہتھا۔ ¹⁹بعض روایات کے مطابق درہ کا اصل نام رقیہ تھا۔ ²⁰

حضرت ابو سلمہ کا وصال

حضرت ابو سلمہ کا شمار ان صحابیوں میں ہوتا ہے جو جنگ بدر میں بہادری کے ساتھ کفار مکہ سے لڑے جس میں اللہ کے فضل و کرم سے مسلمان فتح یاب ہوئے۔ اس کے بعد ابوسلمہ نے جنگ احد میں بھی شرکت فرمائی²¹ اور بہادری کے جوہر دکھائے، لیکن اس جنگ میں انہیں بہت زخم بھی آئے۔²² انہوں نے اپنے زخموں کی بہت دیکھ بھال کی اور دو مہینے کے عرصے میں آپ دوبارہ صحت مند ہوگئے اور اگلی جنگ میں اللہ کی راہ میں لڑنےکے لیے تیار ہوگئے۔

4ہجری میں آپ نے 150 صحابہ ²³ کی جماعت کے ساتھ قبیلۂ بنو اسد سے جنگ کرنے کے لیے ابو سلمہ کو سپہ سالار بنایا ²⁴ کیونکہ قبیلۂ بنو اسد دوسرے کفارکے ساتھ مدینہ منورہ میں آپ کو معاذ اللہ شہید کرنے کی تک و دو میں لگے ہوئے تھے۔ حضرت ابو سلمہ بہت بہادری سے لڑے اور اللہ نے مسلمانوں کو فتح و نصرت سے ہمکنار کیا۔ کامیاب و کامران ہوکر آپ اپنے گھر لوٹے لیکن معرکہ آرائی کے دوران ان کے پرانے زخم دوبارہ تازے ہوگئے²⁵ جن سے انہیں دوبارہ تکلیف شروع ہوگئی۔ آخر کار زخموں کی تاب نہ لاکر آپشہید ہوگئے۔²⁶آخر ی وقت میں حضور آپ کے بالکل قریب موجود تھے۔ آپ نے ابو سلمہ کی روح نکل جانے کے بعد اپنے دست مبارک سے ان کی آنکھوں کو بند کیا۔²⁷ اس کے بعد آپ نے اس طرح ارشاد فرمایا:

«إن الروح إذا قبض تبعه البصر»، فضج ناس من أهله، فقال: «لا تدعوا على أنفسكم إلا بخير، فإن الملائكة يؤمنون على ما تقولون»، ثم قال: «اللهم اغفر لأبي سلمة وارفع درجته في المهديين، واخلفه في عقبه في الغابرين، واغفر لنا وله يا رب العالمين، وافسح له في قبره، ونور له فيه.²⁸

”جب جان نکلتی ہے تو آنکھیں اس کے پیچھے لگی رہتی ہیں۔“ اور لوگوں نے ان کے گھر میں رونا شروع کر دیا تو آپ نے فرمایا:”اپنے لیےاچھی ہی دعا کرو اس لیےکہ فرشتے تمہاری باتوں پر آمین کہتے ہیں۔“ پھر آپ نے دعا کی: ”یا اللہ! ابوسلمہ کو بخش دے اور ہدایت والوں میں ان کا درجہ بلند فرما، تو ان کے باقی رہنے والے عزیزوں میں خلیفہ ہو جا اور ہمیں اور ان کو بخش دے۔ اے تمام عالم کے پالنے والے، ان کے لیے قبر میں کشادگی فرما اور اس میں روشنی کر۔“

نبی کریم سے ام سلمہ کا نکاح

جب حضرت ام سلمہ کا نکاح حضرت ابو سلمہ سے ہورہا تھا تو ان دونوں نے آپس میں عہد کیا کہ ان دونوں میں سے کوئی بھی پہلے اس دنیا سے چلا گیا تو دوسرا شخص دوبارہ نکاح نہیں کرے گا۔ اس عہد کے باوجود ابو سلمہ نے حضرت ام سلمہ کو تاکید کی کہ میرے دنیا سے چلے جانے کے بعد تم ضرور نکاح کرلینا۔ اس کے بعد آپ نے حضرت ام سلمہ کے لئے باقائدہ دعا کی کہ اللہ انہیں ان سے بہترشوہر عنایت فرمائے جو انہیں رنج و تکلیف نہ دے۔²⁹جب حضرت ابو سلمہ شہید ہوگئے اورآپکی عدت مکمل ہوگئی تو حضرت ابو بکر نے انہیں پیغام نکاح پہنچایاتا کہ حضرت ابو سلمہ کی اولاد کی پرورش اپنے ذمہ لے لیں، لیکن حضرت ام سلمہ نے حضرت ابو بکر صدیق کو نفی میں جواب دیا۔³⁰ ان کے بعد آپ کو حضرت عمر بن خطاب نے نکاح کا پیغام بھجوایا لیکن آپ نے انہیں بھی نفی میں جواب دیا۔ ³¹

اس کے بعد آپ نے بذات خو د حضرت ام سلمہ کو نکاح کا پیغام بھجوایا جس پر آپ بہت خوش ہوئیں لیکن بارگاہ رسالت کے آداب کو ملحوظ خاطر رکھنے کے لیے آپ نے مناسب سمجھا کہ آپ کے سامنے کچھ گزارشات پیش کی جائیں۔ چنانچہ حضرت ام سلمہ نے آپ کی خدمت میں پیغام بھجوایا کہ میں ایک عمر رسیدہ خاتون ہوں اور میری جوان اولاد ہے۔ اس کے علاوہ مزید یہ کہ میں بہت زیادہ غیرت کھانے والی عورت ہوں۔³² اس کے جواب میں آپ نے ارشاد فرمایا کہ جہاں تک ان کی عمر کا سوال ہے توآپ کی عمر ان سے زیادہ ہے، اور جہاں تک بچوں کا تعلق ہےتو اللہ اور اس کا رسول ان کی دیکھ بھال کے لئے کافی ہیں، اور جہاں تک غیرت کھانے کی بات ہےتو اللہ آپ کی دعا کی برکت سے اس معاملے میں ان کی غیرت(دیگر ازواج کے حوالہ سے) کو دور فرمادے گا۔³³

اس پیغام کے بعد حضرت ام سلمہ نے آپ کا پیغام نکاح قبول کیا اور شوال کے مہینے میں آپ کا نکاح ہوگیا۔ ³⁴ مہر کی صورت میں آپ کو چمڑے کا ایک تکیہ جس میں کھجور کی چھال بھری ہوئی تھی، ایک گھڑا اور دو چکیاں عنایت فرمائی گئیں۔ ³⁵ اللہ تعالیٰ نے حضرت ام سلمہکے حق میں آپ کی دعا قبول فرمائی اور ان کے دل میں دیگر ازواج مطہرات سے الفت پیدا فرمادی۔ آپآپ کے کاشانۂ اقدس میں نہایت آ رام و سکون سے رہنے لگیں اور آپ کی بیٹی آپ کی نگہبانی میں پرورش پانے لگیں۔

6 ہجری میں حضرت ام سلمہ آپ کے ساتھ عمرے کی سعادت حاصل کرنے گئیں جس میں دیگر صحابۂ کرام بھی شامل تھے۔ راستے میں مشرکین مکہ نے آپ کو حدیبیہ کے مقام پر روک دیااور فی الحال عمرہ کرنے کی اجازت دینے سے منع کردیا۔ حضرت ام سلمہ نے اس موقع پر بھی بہت اہم کردار ادا کیا۔ جب آپ نے اپنے اصحاب سے فرمایا کہ اپنے جانوروں کو ذبح کرو اور سر سے بالوں کو اتار لو توبعض اصحاب تذبذب کا شکار ہوگئے اور فیصلے پر عمل کرنے میں شش و پنج میں مبتلا ہوگئے۔ یہ بات آپ نے اپنی زوجۂ محترمہ حضرت ام سلمہسے کہی جس پر آپ نے فرمایا:

......لن يقوموا حتى تنحر بدنك وتدعو حالقك فيحلقك فخرج ففعل ذلك......³⁶

۔۔۔وہ اس وقت تک نہیں اٹھیں گے جب تک کہ آپ اپنا جانور ذبح نہ کر دیں اور اپنے حجام کو اپنا سر مونڈنے کے لیے نہ بلالیں۔ چنانچہ آپ ()نے باہر جا کر ایسا ہی کیا۔۔۔

جب مسلمانوں نے آپ کا یہ عمل دیکھا تو انہوں نے بھی فوراً اپنے اپنے جانور قربان کرنا شروع کردیے اور اپنے سرمنڈوالیے۔³⁷ تمام اصحاب رسول کو یہ احساس ہوگیا کہ جو حکم آپ نے ارشاد فرمادیا وہ ہی ان کے حق میں بہتر ہے۔

مرویات

آپنےکیونکہ تمام ازواج مطہرات میں سب سے طویل عمر پائی تھی اس لئے آپ نے نبی سے باکثرت روایات کو نقل فرمایا اور آپسے باکثرت صحابہ کرام اور تابعین، جن میں عمر، زينب، عامر، مصعب بن عبد الله، نبہان،عبد الله بن رافع، نافع،سفينہ،ابو كثير، حسن، صفيہ بنت شيبہ، ہند بنت الحارث الفراسيہ، قبيصہ بنت ذؤيب، عبد الرحمن بن الحارث بن ہشام، ابو عثمان النہدی، ابو وائل،سعيد بن المسيب، ابو سلمہ، عروة، ابو بكر بن عبد الرحمن،سليمان بن يسار وغیرہ شامل ہیں، نے روایات کو نقل کیا ³⁸ اور بالخصوص واقعہ کربلا کے حوالے سے بیان کردہ آپکی روایات نہایت مشہور و معروف ہیں۔

رحلت

حضرت ام سلمہ نے طویل عمر پائی۔ آپ کا انتقال تمام امہات المؤمنین میں سب سے آخر میں 61 ہجری میں ہوا۔³⁹ آپ کو جنت البقیع میں دیگر ازواج مطہرات کے ساتھ دفن کیا گیا۔⁴⁰

• ¹  عزالدین علی ابن محمد الشیبانی ابن الأثیر الجزری، أسد الغابۃ فی معرفۃ الصحابۃ، ج-7، مطبوعۃ: دار الکتب العلمیۃ، بیروت، لبنان، 1994م، ص: 329
• ²  أبو الفضل أحمد بن علي العسقلاني، الإصابة في تمييز الصحابة، ج-8، مطبوعۃ: دار الکتب العلمیۃ، بیروت، لبنان، 1415ھ، ص: 404
• ³  امام محمد بن یوسف الصالحی الشامی، سبل الھدیٰ والرشاد فی سیرۃ خیر العباد ﷺ، ج-11، مطبوعۃ: دارالکتب العلمیہ، بیروت، لبنان، 1993م، ص: 187
• ⁴  أبو عبد الله شمس الدين الذهبي، سير أعلام النبلاء، ج-3، مطبوعۃ: دارالحدیث، القاھرۃ، مصر، 2006م، ص: 467
• ⁵  عبدالملک ابن ھشام، السیرۃ النبویۃ لابن ھشام، ج-1، مطبوعۃ: شرکہ مکتبۃ و مطبع مصطفی البابی، القاھرۃ، مصر، 1955م، ص: 322
• ⁶  أحمد بن يحي بن جابر بن داؤد البلاذري، جمل من أنساب الأشراف، ج-1، مطبوعۃ: دار الفکر، بیروت، لبنان، 1996م، ص: 429
• ⁷  عز الدین علی ابن محمد الشیبانی ابن اثیر، اسد الغابۃ فی معرفۃ الصحابۃ، ج-7، مطبوعۃ: مکتبۃ التوفیقیۃ، القاھرۃ، مصر، 2003م، ص:326
• ⁸  أبو الفضل أحمد بن علي العسقلاني، الإصابة في تمييز الصحابة، ج-8، مطبوعۃ: دار الکتب العلمیۃ، بیروت، لبنان، 1415ھ، ص: 404
• ⁹  محمد بن إسحاق المطلبی،كتاب السیر و المغازی المعروف بسیرۃ النبویه لابن اسحاق، مطبوعۃ: دار الفکر، بیروت، لبنان، 1978م، ص: 260
• ¹⁰  شمس الدين محمد بن أبي بكر ابن قيم الجوزيۃ، زاد المعاد في هدي خير العباد، ج-1، مطبوعۃ: مؤسسۃ الرسالۃ، بیروت، لبنان، 2005م، ص: 81
• ¹¹  محمد ابن سعد البصری، طبقات الکبری، ج-3، مطبوعۃ: دار الکتب العلمیۃ، بیروت، لبنان، 1990م، ص: 181
• ¹²  أبو الفضل أحمد بن علي العسقلاني، الإصابة في تمييز الصحابة، ج-4، مطبوعۃ: دار الکتب العلمیۃ، بیروت، لبنان، 1415ھ، ص: 131
• ¹³  محمد ابن سعد البصری، طبقات الکبری، ج-8، مطبوعۃ: دار الکتب العلمیۃ، بیروت، لبنان، 1990م، ص: 69
• ¹⁴  امام محمد بن یوسف الصالحی الشامی، سبل الھدیٰ والرشاد فی سیرۃ خیر العباد ﷺ، ج-11، مطبوعۃ: دارالکتب العلمیہ، بیروت، لبنان، 1993م، ص: 187
• ¹⁵  أحمد بن يحي بن جابر بن داؤد البلاذري، جمل من أنساب الأشراف، ج-1، مطبوعۃ: دار الفکر، بیروت، لبنان، 1996م، ص: 258
• ¹⁶  أبو الفضل أحمد بن علي العسقلاني، الإصابة في تمييز الصحابة، ج-8، مطبوعۃ: دار الکتب العلمیۃ، بیروت، لبنان، 1415ھ، ص: 404
• ¹⁷  ابوالفدا اسماعیل ابن کثیر الدمشقی،السیرۃ النبویۃ لابن کثیر، ج-2، مطبوعۃ: دار المعرفۃ للطبعۃ والنشر والتوضیع، بیروت، لبنان، 1976م، ص: 216-217
• ¹⁸  امام محمد بن یوسف الصالحی الشامی، سبل الھدیٰ والرشاد فی سیرۃ خیر العباد ﷺ، ج-11، مطبوعۃ: دارالکتب العلمیہ، بیروت، لبنان، 1993م، ص: 187
• ¹⁹  عز الدین علی ابن محمد الشیبانی ابن اثیر، اسد الغابۃ فی معرفۃ الصحابۃ، ج-7، مطبوعۃ: مکتبۃ التوفیقیۃ، القاھرۃ، مصر، 2003م، ص:326
• ²⁰  عبدالملک ابن ھشام، السیرۃ النبویۃ لابن ھشام، ج-2، مطبوعۃ: شرکۃ مکتبۃ و مطبع مصطفی البابی، القاھرۃ، مصر، 1955م، ص: 645
• ²¹  أحمد بن يحي بن جابر بن داؤد البلاذري، جمل من أنساب الأشراف، ج-1، مطبوعۃ: دار الفکر، بیروت، لبنان، 1996م، ص: 207
• ²²  ابو عبداللہ محمد بن عمر الواقدی، المغازی، ج-1، مطبوعۃ: دار الأعلمي، بیروت، لبنان، 1989م، ص: 340
• ²³  أبو عبد الله محمد بن أحمد شمس الدين الذھبی، السیرۃ النبویۃ من كتاب تاريخ الاسلام، مطبوعۃ: دار ابن حزم، بیروت، لبنان، 2010م، ص: 404
• ²⁴  محمد ابن سعد البصری، طبقات الکبری، ج-3، مطبوعۃ: دارالکتب العلمیۃ، بیروت، لبنان، 1990م، ص: 182
• ²⁵  ابو الفدااسماعيل ابن كثير الدمشقي، السیرۃ النبویۃ لابن كثير، ج-3، مطبوعۃ: دار المعرفة للطبعة والنشر والتوضيع، بیروت، لبنان، 1976م، ص: 121
• ²⁶  أبو عبد الله محمد بن أحمد شمس الدين الذھبی، السیرۃ النبویۃ من كتاب تاريخ الاسلام، مطبوعۃ: دار ابن حزم، بیروت، لبنان، 2010م، ص: 404
• ²⁷  محمد ابن سعد البصری، طبقات الکبری، ج-3، مطبوعۃ: دارالکتب العلمیۃ، بیروت، لبنان، 1990م، ص: 182
• ²⁸  مسلم بن الحجاج النیسابوری، صحیح المسلم، حديث: 2130، مطبوعۃ: دارالسلام للنشر والتوزیع، الریاض، السعودیۃ، 2000م، ص:370
• ²⁹  امام محمد بن یوسف الصالحی الشامی، سبل الھدیٰ والرشاد فی سیرۃ خیر العباد ﷺ، ج-11، مطبوعۃ: دارالکتب العلمیہ، بیروت، لبنان، 1993م، ص: 189
• ³⁰  أبو الفضل أحمد بن علي ابن حجر العسقلاني، الاصابۃ فی تمییز الصحابۃ، ج-8، مطبوعۃ: دارالکتب العلمیہ، بیروت، لبنان، 1415ھ، ص: 405
• ³¹  امام محمد بن یوسف الصالحی الشامی، سبل الھدیٰ والرشاد فی سیرۃ خیر العباد ﷺ، ج-11، مطبوعۃ: دارالکتب العلمیہ، بیروت، لبنان، 1993م، ص: 188
• ³²  محمد بن إسحاق المطلبی،كتاب السیر و المغازی المعروف بسیرۃ النبویه لابن اسحاق، مطبوعۃ: دار الکتب العلمیۃ، بیروت، لبنان، 2009م، ص: 282
• ³³  امام محمد بن یوسف الصالحی الشامی، سبل الھدیٰ والرشاد فی سیرۃ خیر العباد ﷺ، ج-11، مطبوعۃ: دارالکتب العلمیہ، بیروت، لبنان، 1993م، ص: 188
• ³⁴  محمد بن إسحاق المطلبی،كتاب السیر و المغازی المعروف بسیرۃ النبویه لابن اسحاق، مطبوعۃ: دار الکتب العلمیۃ، بیروت، لبنان، 2009م، ص: 283
• ³⁵  عبدالملک ابن ھشام، السیرۃ النبویۃ لابن ھشام، ج-2، مطبوعۃ: شرکہ مکتبۃ و مطبع مصطفی البابی، القاھرۃ، مصر، 1955م، ص: 645
• ³⁶  امام محمد بن یوسف الصالحی الشامی، سبل الھدیٰ والرشاد فی سیرۃ خیر العباد ﷺ، ج-11، مطبوعۃ: دارالکتب العلمیہ، بیروت، لبنان، 1993م، ص: 191
• ³⁷  ایضاً
• ³⁸  أبو الفضل أحمد بن علي ابن حجر العسقلاني، الاصابۃ فی تمییز الصحابۃ، ج-8، مطبوعۃ: دارالکتب العلمیہ، بیروت، لبنان، 1415ھ، ص: 406
• ³⁹  ابو عبداللہ شمس الدین الذھبی، سیر الاعلام النبلاء، ج-3، مطبوعۃ: دارالحدیث، القاھرۃ، مصر، 2006م، ص: 472
• ⁴⁰  محمد بن حبیب البغدادی، المحبر، مطبوعۃ: دائرة المعارف العثمانية، حيدر آباد الدكن، الهند ، 1942 م، ص: 85